Blog Marathon - Post 10 - ती आणि तू

तूच सीता, कधी चंडिका 

कधी राधा, तर कधी दुर्गा 

तूच आहेस शक्ती आणि 

तूच आहेस अंबा

सृजनशीलतेची आणि कर्तव्याची मूर्ती तू

अखंड इतरांसाठी जगणारी तू

मुलांच्या स्वप्नांना पंख देणारी तू

सदैव अविरत झटणारी तू

घे उंच भरारी 

त्या निळ्या आकाशात तू ही कधीतरी

पसरून पहा पंख

जग तू ही कधीतरी स्वतःसाठी

शोध घे स्वतःचाच तू 

ठाव घे त्या मनाचा 

शोध घे अस्तित्वाचा 

तुझ्यातल्या मी पणाचा

छंदातून आनंदही अर्थप्राप्तीही

आज सुमेधा खूप खूश होती. दिवाळी जेमतेम एका महिन्यावर येऊन ठेपली होती आणि तिला आजच ४० कापडी पर्सेस शिवायची ऑर्डर मिळाली होती. तिचा व्यवसाय हळूहळू लोकांपर्यंत पोचत होता. तिला प्रसिद्धी मिळत होती, तिच्या कामाचे कौतुक होत होते आणि तिला त्यातून खूप आनंद मिळत होता.