गीतामयी
मे महिन्यात पुण्याला आम्ही माझ्या मुलाच्या मुंजीसाठी गेलो होतो. अगदी दोन आठवड्याच्या धावपळीमध्ये सगळं व्यवस्थित पार पडलं. त्या समारंभाला माझी नणंद आली होती. तिने मला अतिशय सुंदर अशी भेटवस्तू दिली, ती म्हणजे भगवद गीतेची इंग्रजी मधील आवृत्ती. का कोणास ठाऊक, त्यामुळे मी अगदी खुश झाले. जर्मनी ला परत जाऊन वाचन करू असं ठरवलं आणि इतर सामानाबरोबर ते पुस्तक अगदी नीट घेऊन आले घरी परत.